|
A la debuta, l'idèia venguèt a quatre
Tesanòts venguts d'endacòm mai : crear un regropament d¹Audencs d¹adopcion. L'idèia
rondinegèt un moment pels caps per n'arribar a l'espelida d¹una associacion
segon los principis de la lei del 1èr de julhet de 1901.
Atal, fa gaire, se creèt l'associacion ENA (Entr'ajuda dels Novèls
Audencs). Sa tòca es : « afavorir l'acuèlh, l'integracion e lo rapròchament
dels residents novèls audencs, mercé a d'activitats festejairas, ludicas,
culturalas, esportivas, recreativas, d'interés collectiu, organizacion de
representacions o d'espectacles »
E tanben « portar ajuda, assisténcia e conselhs dins totes los
procediments o las formalitats administratius o juridics per permètre als
Audencs novèls d¹aver una qualitat de vida correspondent a sos vòts. »
Al rescontre dels novèls venguts
Se vei, a la legida d¹aquesta tòca, que los fondators an tengut a crear un
ambient de fraternitat e de solidaritat cap a aquelas e aquelis que son venguts
dins Aude e qu'espròvan, coma aquelis que l'esprovèron, lo besonh de se sentir
ajudats, espatlats, de se faire d¹amics, d'assistir a d¹escambis entre culturas
dins los domènis de la vida vidanta (las lengas anglesa, alemanda, portuguesa,
castelhana son mestrejadas per unis membres del conselh e se fa rampèl a d¹autris
volontaris).
Lo Conselh d¹administrança de l'ENA se compòsa de : Marc Jadouin
(president), Nicole Chamberland (secretària), Marilyne Allégro (clavaira),
Florence Simao (contrarotlaira de gestion), Marcel Marescaux (conselhièr
juridic). Lo sèti social se trapa al 49 de l'avenguda de la Gara a Tesan de las
Corbièras.
Un calendièr en preparacion
L'associacion se vòl lo recampament de totis los audencs novèls en quista
d¹ajuda e d'amistat. L'adesion se pòt faire per un escotisson annadièr modic de
15 èuros per membre actiu (familha).
Un acamp per metre sus pè un calendièr s'es tengut en febrièr. Cap de
dobte que l'esperit federator volgut pel conselh d'administrança, ganharà bon
nombre de personas tant francesas coma europèas. Na Sevigné çò diguèt : « L'amistat
rescalfa quand òm se trapa los meteisses interesses. » Aquesta citacion poiriá èsser
la devisa de l'ENA.
Per ne saber mai, telefonar al 04 68 43 33 02 o al 04 68 43 33 89,
site
Internet : http://www.Ena-aude.fr.vu/.
Corrièl : ena-aude@wanadoo.fr
|
